ಮಂಗಳೂರು: ನವಮಂಗಳೂರು ಬಂದರಿಗೆ ಕಚ್ಚಾ ತೈಲ ಸಾಗಣೆ ಮತ್ತಷ್ಟು ಚುರುಕುಗೊಂಡಿದ್ದು, ಇತ್ತೀಚೆಗೆ ಎರಡು ದೊಡ್ಡ ಹಡಗುಗಳು ಬಂದರಿಗೆ ಆಗಮಿಸಿವೆ.
ಆಫ್ರಿಕಾದ ಮಾಂಡ್ಜಿ ಮೂಲದ 88,152 ಮೆಟ್ರಿಕ್ ಟನ್ ಕಚ್ಚಾ ತೈಲವನ್ನು ಹೊತ್ತ ‘ಸನ್ರೈಸ್ವೇ’ ಹಡಗು ಸೋಮವಾರ ಬಂದರಿಗೆ ತಲುಪಿದ್ದು, ಎಂಆರ್ಪಿಎಲ್ನ ತೇಲು ಜೆಟ್ಟಿಯಲ್ಲಿ ಅನ್ಲೋಡಿಂಗ್ ಕಾರ್ಯ ನಡೆಯುತ್ತಿದೆ.
ಇನ್ನೊಂದು ಹಡಗು ‘ನಾಗಾರ್ಜುನ’, ರಷ್ಯಾದ ಪ್ರಿಮೋರ್ಸ್ಕ್ ಬಂದರಿನಿಂದ 97,354 ಮೆಟ್ರಿಕ್ ಟನ್ ಕಚ್ಚಾ ತೈಲವನ್ನು ಸಾಗಿಸಿಕೊಂಡು ಬಂದು, ಸಿಂಗಲ್ ಪಾಯಿಂಟ್ ಮೂರ್ನಲ್ಲಿ ನಿಲುಗಡೆಗೊಂಡಿದೆ.
ಇದಲ್ಲದೆ, ಏಪ್ರಿಲ್ 3ರಂದು ‘ದೇಶಭಕ್ತ್’ ಹೆಸರಿನ ಹಡಗು 63,171 ಮೆಟ್ರಿಕ್ ಟನ್ ಮಂಗಳಾ ಕಚ್ಚಾ ತೈಲವನ್ನು ಹೊತ್ತು ಮಂಗಳೂರು ತಲುಪಲಿದ್ದು, ಈ ತೈಲವನ್ನು ಎಂಆರ್ಪಿಎಲ್ಗೆ ಪೂರೈಕೆ ಮಾಡಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ.
