ನವದೆಹಲಿ, ಫೆ. 07:ಯುಪಿಎಸ್ಸಿ ತನ್ನ ಪರೀಕ್ಷಾ ನಿಯಮಗಳಲ್ಲಿ ಮಹತ್ವದ ಬದಲಾವಣೆ ಜಾರಿಗೊಳಿಸಿದ್ದು, ಐಎಎಸ್–ಐಎಫ್ಎಸ್ ಆಯ್ಕೆಯಾದ ಅಭ್ಯರ್ಥಿಗಳ ಮರುಪರೀಕ್ಷೆಗೆ ತಡೆ ಹಾಕಿದೆ.
2026ರ ಸಾಲಿನ 993 ಹುದ್ದೆಗಳಿಗಾಗಿ ಯುಪಿಎಸ್ಸಿ ಅಧಿಸೂಚನೆ ಪ್ರಕಟಿಸಿದ್ದು, ಪರಿಷ್ಕೃತ ನಿಯಮಗಳಂತೆ ಐಪಿಎಸ್ ಅಥವಾ ಇತರೆ ಗ್ರೂಪ್-ಎ ಸೇವೆಗಳಲ್ಲಿ ಇರುವವರು ಶ್ರೇಣಿ ಸುಧಾರಣೆಗೆ 2027ರಲ್ಲಿ ಒಂದೇ ಬಾರಿ ಪರೀಕ್ಷೆ ಬರೆಯಬಹುದು. ಆದರೆ ತರಬೇತಿ ಪಡೆದು ಹುದ್ದೆ ಸ್ವೀಕರಿಸದಿದ್ದರೆ ನೇಮಕಾತಿ ರದ್ದಾಗಲಿದೆ.
ಇನ್ನು, ಸೇವೆ ಸ್ವೀಕರಿಸಿ ತರಬೇತಿಗೆ ಸೇರಿದವರು 2028ರಲ್ಲಿ ಮತ್ತೆ ಪರೀಕ್ಷೆ ಬರೆಯಲು ಬಯಸಿದರೆ, ಅರ್ಜಿ ಸಲ್ಲಿಸುವ ಮೊದಲು ಹಾಲಿ ಹುದ್ದೆಗೆ ರಾಜೀನಾಮೆ ನೀಡುವುದು ಕಡ್ಡಾಯವಾಗಿದೆ. ಈ ನಿಯಮಗಳು ಎಲ್ಲಾ ಹಂತದ ಅಭ್ಯರ್ಥಿಗಳಿಗೆ ಅನ್ವಯಿಸುತ್ತವೆ.
