ಉಡುಪಿ: ಉಡುಪಿ ಉಚ್ಚಿಲ ದಸರಾ ಮಹೋತ್ಸವ–2026ರ ಪ್ರಯುಕ್ತ ರಾಜ್ಯಮಟ್ಟದ ನೃತ್ಯೋತ್ಸವ–2026 ನೃತ್ಯ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ. ಅಕ್ಟೋಬರ್ 11ರಂದು ರಾತ್ರಿ 8 ಗಂಟೆಗೆ ನಡೆಯಲಿರುವ ಈ ಸ್ಪರ್ಧೆಯಲ್ಲಿ ಕರ್ನಾಟಕದ ವಿವಿಧ ಜಿಲ್ಲೆಗಳ ನೃತ್ಯ ತಂಡಗಳು ಭಾಗವಹಿಸಲಿವೆ.
ಸ್ಪರ್ಧೆಯಲ್ಲಿ ಪ್ರಥಮ ಬಹುಮಾನ ₹1,55,555, ದ್ವಿತೀಯ ₹1,05,555, ತೃತೀಯ ₹55,555 ಹಾಗೂ ನಾಲ್ಕನೇ ಬಹುಮಾನ ₹25,555 ನಗದು ಬಹುಮಾನ ನೀಡಲಾಗುವುದು. ಅಲ್ಲದೆ, ಆಯ್ಕೆಯಾಗುವ ಎಲ್ಲಾ ತಂಡಗಳಿಗೆ ತಲಾ ₹5,000 ಗೌರವಧನ ನೀಡಲಾಗುವುದು.
ತಂಡದಲ್ಲಿ ಕನಿಷ್ಠ 7 ಹಾಗೂ ಗರಿಷ್ಠ 20 ಸದಸ್ಯರಿಗೆ ಅವಕಾಶವಿದ್ದು, ಒಂದು ನೃತ್ಯ ಪ್ರದರ್ಶನಕ್ಕೆ 6+2 ನಿಮಿಷಗಳ ಕಾಲಾವಕಾಶ ನಿಗದಿಪಡಿಸಲಾಗಿದೆ. ವೇಷಭೂಷಣ, ಭಾವಾಭಿನಯ, ನೃತ್ಯ ಸಂಯೋಜನೆ, ವೇದಿಕೆ ಬಳಕೆ ಹಾಗೂ ಒಟ್ಟಾರೆ ಪ್ರದರ್ಶನವನ್ನು ಪರಿಗಣಿಸಿ ತೀರ್ಪು ನೀಡಲಾಗುತ್ತದೆ.
ನೃತ್ಯ ತಂಡಗಳು ಸ್ಪರ್ಧಾ ದಿನ ಸಂಜೆ 5 ಗಂಟೆಯೊಳಗೆ ಸ್ಥಳದಲ್ಲಿ ಹಾಜರಿರಬೇಕು. ಹೆಚ್ಚಿನ ಮಾಹಿತಿಗಾಗಿ 8970797269 ಸಂಪರ್ಕಿಸಬಹುದು.
