ಬ್ರಹ್ಮಾವರ: ಮೇ 20: ರೈತರಿಂದ ನೇರವಾಗಿ ಗ್ರಾಹಕರಿಗೆ ಹಾಗೂ ಉತ್ಪಾದಕರಿಂದ ನೇರವಾಗಿ ಮಾರುಕಟ್ಟೆಗೆ ಎಂಬ ಉದ್ದೇಶದೊಂದಿಗೆ ಮೂರು ದಿನಗಳ “ಹಲಸು ಮತ್ತು ಹಣ್ಣು ಮೇಳ”ವು ಮೇ 22ರಿಂದ 24ರವರೆಗೆ ಬ್ರಹ್ಮಾವರದ ಎಸ್ಎಂಎಸ್ ಸಮುದಾಯ ಭವನದಲ್ಲಿ ನಡೆಯಲಿದೆ.
ಈ ಮೇಳವನ್ನು ರೋಟರಿ ಕ್ಲಬ್ ಬ್ರಹ್ಮಾವರ , ರೋಟರಿ ಕ್ಲಬ್ ಬಾರ್ಕುರು (Zone 3 RI Dist 3182), ಕೆಳದಿ ಶಿವಪ್ಪ ನಾಯಕ ಯೂನಿವರ್ಸಿಟಿ of ಅಗ್ರಿಕಲ್ಚರಲ್ and Horticultural Sciences ಶಿವಮೊಗ್ಗ, ಐಸಿಎಆರ್ ಕೃಷಿ ವಿಜ್ಞಾನ ಕೇಂದ್ರ, ವಲಯ ಕೃಷಿ ಮತ್ತು ತೋಟಗಾರಿಕೆ ಸಂಶೋಧನಾ ಕೇಂದ್ರ ಹಾಗೂ ಡಿಪ್ಲೋಮ ಕೃಷಿ ಮಹಾವಿದ್ಯಾಲಯ ಬ್ರಹ್ಮಾವರ ಮತ್ತು Ag ಇವೆಂಟ್ಸ್ ಇವರ ಜಂಟಿ ಆಶ್ರಯದಲ್ಲಿ ಆಯೋಜಿಸಲಾಗಿದೆ.
ಮೇಳವು 2026ರ ಮೇ 22 ಶುಕ್ರವಾರದಿಂದ ಮೇ 24 ಆದಿತ್ಯವಾರದವರೆಗೆ ಪ್ರತಿದಿನ ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 8 ಗಂಟೆಯವರೆಗೆ ನಡೆಯಲಿದೆ.
ಮೇಳದಲ್ಲಿ ನೂರಾರು ಸಣ್ಣ ಉದ್ಯಮಿಗಳು ಹಾಗೂ ಗೃಹ ಉತ್ಪನ್ನ ತಯಾರಕರು ಭಾಗವಹಿಸಲಿದ್ದು, ವಿವಿಧ ಬಗೆಯ ಹಣ್ಣುಗಳು, ಬಯಲು ಸೀಮೆಯ ಸಿಹಿಯಾದ ಮಾವಿನ ಹಣ್ಣುಗಳು, ಪ್ರಸಿದ್ಧ ಕೆಂಪು ಹಲಸು, ಹಲಸಿನ ವಿವಿಧ ಉತ್ಪನ್ನಗಳು, ಹಣ್ಣಿನ ಖಾದ್ಯಗಳು, ವಿವಿಧ ರುಚಿಯ ಐಸ್ಕ್ರೀಮ್ಗಳು, ಹಲಸಿನ ಹೋಳಿಗೆ, ಹಣ್ಣಿನ ಗಿಡಗಳು, ತರಕಾರಿ ಬೀಜಗಳು, ಆಯುರ್ವೇದಿಕ ಮತ್ತು ಗೃಹ ತಯಾರಿಕಾ ವಸ್ತುಗಳು ಸೇರಿದಂತೆ ನೂರಾರು ಮಳಿಗೆಗಳು ಸಾರ್ವಜನಿಕರ ಗಮನ ಸೆಳೆಯಲಿವೆ.
