ಉಡುಪಿ, ಫೆಬ್ರವರಿ 14, 2025: ಉಡುಪಿಯ ಡಾ ಟಿ ಎಂ ಎ ಪೈ ಆಸ್ಪತ್ರೆಯಲ್ಲಿ ಶ್ರವಣ ದೋಷ ಮತ್ತು ಸಮತೋಲನ ಸಮಸ್ಯೆಗಳನ್ನು ಪತ್ತೆಹಚ್ಚಲು ಮತ್ತು ಚಿಕಿತ್ಸೆ ನೀಡಲು ಸುಧಾರಿತ ಶ್ರವಣ ಮತ್ತು ಸಮತೋಲನ ಪರೀಕ್ಷೆಗಳನ್ನು ಪರಿಚಯಿಸಲಾಗಿದೆ. ವಾಕ್ ಮತ್ತು ಶ್ರವಣ ವಿಭಾಗವು ಈಗ ಶ್ರವಣೇಂದ್ರಿಯ ಬ್ರೈನ್ಸ್ಟೆಮ್ ರೆಸ್ಪಾನ್ಸ್ (ABR) ಮತ್ತು ವೆಸ್ಟಿಬುಲರ್ ಎವೋಕ್ಡ್ ಮಯೋಜೆನಿಕ್ ಪೊಟೆನ್ಶಿಯಲ್ (VEMP) ಪರೀಕ್ಷೆಗಳನ್ನು ನೀಡುತ್ತದೆ. ಈ ಪರೀಕ್ಷೆಗಳು ಶ್ರವಣ ಮತ್ತು ಸಮತೋಲನ-ಸಂಬಂಧಿತ ಸಮಸ್ಯೆಗಳ ಸಮಗ್ರ ಮೌಲ್ಯಮಾಪನಗಳನ್ನು ಒದಗಿಸುವ ಗುರಿಯನ್ನು ಹೊಂದಿವೆ.
ABR ಪರೀಕ್ಷೆಯು ಶ್ರವಣದ ನರ ಹಾಗೂ ಮೆದುಳು ಶಬ್ದಕ್ಕೆ ಎಷ್ಟು ಚೆನ್ನಾಗಿ ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ಪರಿಶೀಲಿಸುತ್ತದೆ. ಶ್ರವಣ ದೋಷ ಮತ್ತು ನರಗಳಿಗೆ ಸಂಬಂಧಿಸಿದ ಶ್ರವಣ ಸಮಸ್ಯೆಗಳನ್ನು ಪತ್ತೆಹಚ್ಚಲು ಇದು ಉಪಯುಕ್ತವಾಗಿದೆ. VEMP ಪರೀಕ್ಷೆಯು ಒಳಗಿನ ಕಿವಿಯ ಸಮತೋಲನ ವ್ಯವಸ್ಥೆಯ ಕಾರ್ಯವನ್ನು ನಿರ್ಣಯಿಸುವ ವಿಶೇಷ ಪರೀಕ್ಷೆಯಾಗಿದೆ. ಇದು ವೈದ್ಯರಿಗೆ ತಲೆಸುತ್ತು, ತಲೆತಿರುಗುವಿಕೆ, ಮೆನಿಯರ್ಸ್ ಕಾಯಿಲೆ ಮತ್ತು ವೆಸ್ಟಿಬುಲರ್ ಮೈಗ್ರೇನ್ಗಳಂತಹ ಸಮತೋಲನ ಅಸ್ವಸ್ಥತೆಗಳಿರುವ ಪರಿಸ್ಥಿತಿಗಳನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ.
ಉಡುಪಿಯ ಡಾ.ಟಿ.ಎಂ.ಏ ಪೈ ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ.ಶಶಿಕಿರಣ್ ಉಮಾಕಾಂತ್ ಅವರು ಮಾತನಾಡಿ, “ನಮ್ಮ ಸಮುದಾಯಕ್ಕೆ ಈ ಸುಧಾರಿತ ಶ್ರವಣ ಮತ್ತು ಸಮತೋಲನ ಪರೀಕ್ಷೆಗಳನ್ನು ತರಲು ನಾವು ಸಂತೋಷಪಡುತ್ತೇವೆ. ರೋಗಿಗಳು ಈಗ ದೂರದ ಪ್ರಯಾಣದ ಅಗತ್ಯವಿಲ್ಲದೇ ಪರಿಚಿತ ಮತ್ತು ವಿಶ್ವಾಸಾರ್ಹ ವಾತಾವರಣದಲ್ಲಿ ನಿಖರವಾದ ರೋಗನಿರ್ಣಯ ಮತ್ತು ಚಿಕಿತ್ಸೆಯನ್ನು ಪಡೆಯಬಹುದು. ಶ್ರವಣ ಮತ್ತು ಸಮತೋಲನ ಸಮಸ್ಯೆಗಳೊಂದಿಗೆ ಬಳಲುತ್ತಿರುವವರ ಜೀವನದ ಗುಣಮಟ್ಟವನ್ನು ಸುಧಾರಿಸುವುದು ನಮ್ಮ ಗುರಿಯಾಗಿದೆ.”
ಅಪಾಯಿಂಟ್ಮೆಂಟ್ ನಿಗದಿಪಡಿಸಲು ಅಥವಾ ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು 7259032864 ಗೆ ಕರೆ ಮಾಡಿ.
