ಮಣಿಪಾಲ; 25 ಫೆಬ್ರವರಿ 2024: ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (ಮಾಹೆ ) ಮಣಿಪಾಲವು, ನ್ಯಾನೊತಂತ್ರಜ್ಞಾನದ ಸಂಶೋಧನೆಯನ್ನು ಹೊಸ ಎತ್ತರಕ್ಕೆ ಮುನ್ನಡೆಸುವ ಗುರಿಯೊಂದಿಗೆ ಮಾಹೆಯು ಒಂದು ವಾರದ ವೈಜ್ಞಾನಿಕ ಚಟುವಟಿಕೆಯನ್ನು ಆಯೋಜಿಸಲು ಸಜ್ಜಾಗಿದೆ. ಪ್ರತಿಷ್ಠಿತ ನೇಚರ್ ರಿಸರ್ಚ್ ಗ್ರೂಪ್ನ ಸಹಯೋಗದೊಂದಿಗೆ, ಮಾಹೆ ಮಣಿಪಾಲವು ಹೆಮ್ಮೆಯಿಂದ ಬಯೋಮೆಡಿಕಲ್ ಅಪ್ಲಿಕೇಶನ್ಗಳಲ್ಲಿ ನ್ಯಾನೊಮೆಟೀರಿಯಲ್ಸ್ನ ಪಾತ್ರದ ಕುರಿತಾದ ಅಂತರರಾಷ್ಟ್ರೀಯ ಸಮ್ಮೇಳನವನ್ನು ಪ್ರಸ್ತುತಪಡಿಸುತ್ತಿದೆ. ಇದು ಭಾರತದಲ್ಲಿನ ಈ ತರಹದ ಮೊದಲ ಸಮ್ಮೇಳನವಾಗಿದೆ.
ಫೆಬ್ರವರಿ 26 ಮತ್ತು 27, 2024 ರಂದು ಆಯೋಜಿಸಲಾಗಿರುವ, ಈ ಎರಡು ದಿನಗಳ ಸಮ್ಮೇಳನಕ್ಕೆ ಕಳೆದ ದಶಕದಲ್ಲಿ ನ್ಯಾನೊಮೆಟೀರಿಯಲ್ ಅಪ್ಲಿಕೇಶನ್ಗಳ ಸಂಶೋಧನೆಯಲ್ಲಿ ಗಮನಾರ್ಹ ಕೊಡುಗೆಗಳನ್ನು ನೀಡಿದ ವಿಶ್ವ-ಪ್ರಸಿದ್ಧ ಗೌರವಾನ್ವಿತ ಸಂಶೋಧಕರನ್ನು ಆಹ್ವಾನಿಸುತ್ತಿದೆ. ಭಾಷಣಕಾರರನ್ನು ಹೊಂದಿದೆ. 60 ಕ್ಕೂ ಹೆಚ್ಚು ತಜ್ಞರುಗಳ ಕೇಂದ್ರೀಕೃತ ಗುಂಪು ಈ ಕಾರ್ಯಕ್ರಮದಲ್ಲಿ ನ್ಯಾನೊತಂತ್ರಜ್ಞಾನ ಮತ್ತು ಅದರ ಬಯೋಮೆಡಿಕಲ್ ಅಪ್ಲಿಕೇಶನ್ಗಳಲ್ಲಿನ ಅತ್ಯಾಧುನಿಕ ಪ್ರಗತಿಗಳ ಬಗ್ಗೆ ಚರ್ಚೆ ಮತ್ತು ಒಳನೋಟಗಳನ್ನು ನೀಡಲು ಸಜ್ಜಾಗಿದೆ.
ಈ ಸಮ್ಮೇಳನದ ನಂತರ, ಫೆಬ್ರವರಿ 28, 2024 ರಂದು, “ಪರಿಣಾಮಕಾರಿ ಪ್ರಕಾಶನ ಮತ್ತು ಸಂವಹನ ತಂತ್ರಗಳ” ಕುರಿತು ನೇಚರ್ ಮಾಸ್ಟರ್ಕ್ಲಾಸ್ ಕಾರ್ಯಾಗಾರದಲ್ಲಿ ಸಂಶೋಧಕರು ಭಾಗವಹಿಸಲು ವಿಶೇಷ ಅವಕಾಶವನ್ನು ಹೊಂದಿರುತ್ತಾರೆ. ನೇಚರ್ ಪೋರ್ಟ್ಫೋಲಿಯೊದಲ್ಲಿ ಸಂಪಾದಕೀಯ ಅಭಿವೃದ್ಧಿ ವ್ಯವಸ್ಥಾಪಕ ಡಾ. ಹ್ಯಾರಿ ಶೆರ್ಲಿ ನೇತೃತ್ವದಲ್ಲಿ, ಈ ಕಾರ್ಯಾಗಾರವು ಸಂಶೋಧಕರನ್ನು ಪರಿಣಾಮಕಾರಿ ವೈಜ್ಞಾನಿಕ ಸಂವಹನಕ್ಕೆ ಸಜ್ಜುಗೊಳಿಸುವ ಗುರಿಯನ್ನು ಹೊಂದಿದೆ.
ಮಾಹೆಯ ಉಪಕುಲಪತಿ, ಲೆಫ್ಟಿನೆಂಟ್ ಜನರಲ್ (ಡಾ.) ಎಂ.ಡಿ. ವೆಂಕಟೇಶ್, ವಿಎಸ್ಎಂ (ನಿವೃತ್ತ), ಅವರು ಮಾತನಾಡಿ , ಮುಂಬರುವ ವಾರದ ಚಟುವಟಿಕೆಗಳ ಬಗ್ಗೆ ಉತ್ಸುಕತೆಯನ್ನು ವ್ಯಕ್ತಪಡಿಸಿದ್ದಾರೆ, “ಮಾಹೆ ಮತ್ತು ನೇಚರ್ ರಿಸರ್ಚ್ ಗ್ರೂಪ್ ನಡುವಿನ ಸಹಯೋಗವು ವೈಜ್ಞಾನಿಕ ಸಂಶೋಧನೆಯಲ್ಲಿ ಮುಂದುವರಿಯುವ ನಮ್ಮ ಬದ್ಧತೆಯಲ್ಲಿ ಮಹತ್ವದ ಮೈಲಿಗಲ್ಲು ಗುರುತಿಸುತ್ತದೆ. ಈ ಸಮ್ಮೇಳನವು ವಿಜ್ಞಾನಿಗಳಿಗೆ ನ್ಯಾನೊತಂತ್ರಜ್ಞಾನದಲ್ಲಿ ಅತ್ಯಾಧುನಿಕ ಸಂಶೋಧನೆಯಲ್ಲಿ ತೊಡಗಿಸಿಕೊಳ್ಳಲು ಒಂದು ಅನನ್ಯ ಅವಕಾಶವನ್ನು ಪ್ರತಿನಿಧಿಸುತ್ತದೆ ಮತ್ತು ನಾವೀನ್ಯತೆಯನ್ನು ಮುಂದುವರಿಸಲು ಅರ್ಥಪೂರ್ಣ ಸಹಯೋಗಗಳನ್ನು ಬೆಳೆಸುತ್ತದೆ “ಎಂದರು .
ಮಾಹೆ ಮಣಿಪಾಲದ ಸಹ ಕುಲಪತಿ ಡಾ. ಶರತ್ ರಾವ್ ಕೆ, (ಆರೋಗ್ಯ ವಿಜ್ಞಾನ) ಅವರು, “ಆರೋಗ್ಯ ರಕ್ಷಣೆಯಲ್ಲಿ ನ್ಯಾನೊತಂತ್ರಜ್ಞಾನದ ಪರಿವರ್ತಕ ಸಾಮರ್ಥ್ಯವನ್ನು ಒತ್ತಿಹೇಳಿದರು, “ನಿರ್ಧರಿತ ಗುರಿ ಆಧಾರಿತ ಔಷಧ ವಿತರಣೆ, ಆರಂಭಿಕ ರೋಗ ಪತ್ತೆ ಮತ್ತು ವೈಯಕ್ತೀಕರಿಸಿದ ಔಷಧವನ್ನು ಸಕ್ರಿಯಗೊಳಿಸುವ ಮೂಲಕ ಆರೋಗ್ಯ ರಕ್ಷಣೆಯಲ್ಲಿ ಕ್ರಾಂತಿಕಾರಿ ಬದಲಾವಣೆಗೆ ನ್ಯಾನೊತಂತ್ರಜ್ಞಾನವು ಅಪಾರ ಭರವಸೆಯನ್ನು ಹೊಂದಿದೆ. ಈ ನಿಟ್ಟಿನಲ್ಲಿ ಮಾಹೆ ಮಣಿಪಾಲದಲ್ಲಿ ನಡೆಯುವ ನಾನೋ ಸಮ್ಮೇಳನ ಮಹತ್ವದ ಪಾತ್ರ ವಹಿಸಲಿದೆ ” ಎಂದರು.
ಮಾಹೆ ಮಣಿಪಾಲದ ಸಹ ಕುಲಪತಿ (ತಂತ್ರಜ್ಞಾನ ಮತ್ತು ವಿಜ್ಞಾನ) ಡಾ. ನಾರಾಯಣ ಸಭಾಹಿತ್ ಅವರು, ಆರೂಗ್ಯ ಕ್ಷೇತ್ರದ ಭವಿಷ್ಯವನ್ನು ರೂಪಿಸುವಲ್ಲಿ ನ್ಯಾನೊ ವಿಜ್ಞಾನ ಮತ್ತು ನ್ಯಾನೊತಂತ್ರಜ್ಞಾನದ ಮಹತ್ವವನ್ನು ಎತ್ತಿ ತೋರಿಸುತ್ತಾ, ” ಸುಸ್ಥಿರ ಇಂಧನ ಉತ್ಪಾದನೆಯಿಂದ ಪರಿಸರ ಸಂಬಂದಿತ ಮಾನವ ಕುಲ ಎದುರಿಸುತ್ತಿರುವ ಹಲವಾರು ಸಮಸ್ಯೆಗಳನ್ನು ನ್ಯಾನೊ ವಿಜ್ಞಾನ ಮತ್ತು ನ್ಯಾನೊತಂತ್ರಜ್ಞಾನ ಎದುರಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಸಮ್ಮೇಳನವು ಸಂಶೋಧಕರು, ಉದ್ಯಮ ತಜ್ಞರು ಮತ್ತು ನೀತಿ ನಿರೂಪಕರಿಗೆ ಸಮರ್ಥನೀಯ ಮತ್ತು ತಾಂತ್ರಿಕವಾಗಿ ಭವಿಷ್ಯದ ಕಡೆಗೆ ಮಾರ್ಗವನ್ನು ರೂಪಿಸಲು ವೇದಿಕೆಯನ್ನು ಒದಗಿಸುತ್ತದೆ” ಎಂದು ಹೇಳಿದರು.
ಮಾಹೆ ಮಣಿಪಾಲದ ಕಾರ್ಯತಂತ್ರ ಮತ್ತು ಯೋಜನೆಯ ಸಹ ಕುಲಪತಿಯಾದ ಡಾ.ಎನ್.ಎನ್.ಶರ್ಮಾ ಮಾತನಾಡಿ, “ನಾವು ಅರೋಗ್ಯ ಮತ್ತು ಔಷಧ ವಿಜ್ಞಾನ ಸಂಬಂದಿತ ನಾವೀನ್ಯತೆ ಮತ್ತು ಸಹಕಾರದ ಪ್ರಯಾಣವನ್ನು ಪ್ರಾರಂಭಿಸುತ್ತಿದ್ದೇವೆ, ನಾವು ಬಯೋಮೆಡಿಕಲ್ ಅಪ್ಲಿಕೇಶನ್ಗಳಲ್ಲಿ ನ್ಯಾನೊವಸ್ತುಗಳ ಕುರಿತಾದ ಅಂತರರಾಷ್ಟ್ರೀಯ ಸಮ್ಮೇಳನವನ್ನು ಆಯೋಜಿಸಲು ಸಿದ್ಧರಾಗಿದ್ದೇವೆ. ಈ ಸಮ್ಮೇಳನವು ವಿಶ್ವಾದ್ಯಂತ ಆರೋಗ್ಯ ರಕ್ಷಣೆಯನ್ನು ಸಂಪೂರ್ಣವಾಗಿ ಬದಲಾಯಿಸಬಹುದಾದ ನವೀನ ಅಧ್ಯಯನಗಳು ಮತ್ತು ಅಮೋಘ ಆವಿಷ್ಕಾರಗಳಿಗೆ ವೇದಿಕೆಯನ್ನು ಒದಗಿಸುತ್ತದೆ ಎಂದು ಅಭಿಪ್ರಾಯ ಪಟ್ಟರು.
ಆದರೆ ವೈಜ್ಞಾನಿಕ ಸಂಭ್ರಮವು ಅಲ್ಲಿಗೆ ಕೊನೆಗೊಳ್ಳುವುದಿಲ್ಲ. ಫೆಬ್ರವರಿ 29 ರಿಂದ ಮಾರ್ಚ್ 1, 2024 ರವರೆಗೆ, ಮಾಹೆಯು, ನ್ಯಾನೊ ವಿಜ್ಞಾನ ಮತ್ತು ನ್ಯಾನೊತಂತ್ರಜ್ಞಾನದ ಕುರಿತಾದ ಅಂತರರಾಷ್ಟ್ರೀಯ ಸಮ್ಮೇಳನಕ್ಕೆ ಆತಿಥ್ಯ ವಹಿಸುತ್ತದೆ. ಸಂಶೋಧಕರು, ವೈದ್ಯರು ಮತ್ತು ಶಿಕ್ಷಣತಜ್ಞರಿಗೆ ವಿಚಾರ ವಿನಿಮಯ ಮತ್ತು ನಾನೋ ಕ್ಷೇತ್ರದಲ್ಲಿನ ಇತ್ತೀಚಿನ ಬೆಳವಣಿಗೆಗಳನ್ನು ಪ್ರದರ್ಶಿಸಲು ಪ್ರಮುಖ ವೇದಿಕೆಯನ್ನು ಒದಗಿಸುತ್ತದೆ. 200 ಕ್ಕೂ ಹೆಚ್ಚು ಭಾಗವಹಿಸುವವರ ಭಾಗೀದಾರರ ನಿರೀಕ್ಷಿತ ಹಾಜರಾತಿಯೊಂದಿಗೆ, ಈ ಸಮ್ಮೇಳನವು ನ್ಯಾನೊಸೈನ್ಸ್ ಮತ್ತು ನ್ಯಾನೊತಂತ್ರಜ್ಞಾನದ ಕ್ಷೇತ್ರದಲ್ಲಿ ಒಂದು ಮೂಲಾಧಾರದ ಮಹತ್ವದ ಘಟನೆಯಾಗಲಿದೆ ಎಂದು ಭರವಸೆ ನೀಡುತ್ತದೆ.
