ಬೆಂಗಳೂರು, ಅ. 16, 2026: ಆದಿತ್ಯ ಬಿರ್ಲಾ ಸಮೂಹದ ಆಭರಣ ಬ್ರ್ಯಾಂಡ್ ಇಂದ್ರಿಯಾ, ಜಯನಗರದಲ್ಲಿ ತನ್ನ ಏಳನೇ ಮಳಿಗೆಯನ್ನು ಲೋಕಾರ್ಪಣೆ ಮಾಡುವ ಮೂಲಕ ಬೆಂಗಳೂರಿನಲ್ಲಿ ತನ್ನ ಮಾರುಕಟ್ಟೆ ಜಾಲವನ್ನು ಮತ್ತಷ್ಟು ವಿಸ್ತರಿಸಿದೆ.
ಇತ್ತೀಚೆಗಷ್ಟೇ ಫೋರಮ್ ಮಾಲ್‌ನಲ್ಲಿ ನೂತನ ಮಳಿಗೆಯನ್ನು ತೆರೆದಿದ್ದ ಬೆನ್ನಲ್ಲೇ ಈ ಹೊಸ ಮಳಿಗೆ ಕಾರ್ಯಾರಂಭ ಮಾಡಿದೆ. ನಗರದಾದ್ಯಂತ ಬ್ರ್ಯಾಂಡ್ ನ ವ್ಯಾಪ್ತಿಯನ್ನು ಬಲಪಡಿಸುವುದು ಹಾಗೂ ವಿವಿಧ ಬಡಾವಣೆಗಳ ವೈವಿಧ್ಯಮಯ ಗ್ರಾಹಕರ ಬೇಡಿಕೆಗಳನ್ನು ತಲುಪುವ ಯೋಜನಾಬದ್ಧ ಕಾರ್ಯತಂತ್ರದ ಭಾಗವಾಗಿ ಈ ಮಳಿಗೆಯನ್ನು ತೆರೆಯಲಾಗಿದೆ.
ಈ ನೂತನ ಮಳಿಗೆಯನ್ನು ಇಂದ್ರಿಯಾದ ವಿಶಿಷ್ಟ ವಿನ್ಯಾಸ ಶೈಲಿ ಹಾಗೂ ಗ್ರಾಹಕರಿಗೆ ಆಪ್ತವಾದ, ವೈಯಕ್ತಿಕ ಶಾಪಿಂಗ್ ಅನುಭವ ಕಲ್ಪಿಸುವ ರೀತಿಯಲ್ಲಿ ರೂಪಿಸಲಾಗಿದೆ. ಇಲ್ಲಿ ಪರಂಪರಾಗತ ಕರಕುಶಲತೆ ಮತ್ತು ಆಧುನಿಕ ಶೈಲಿಯ ಆಭರಣಗಳು ಜೊತೆಜೊತೆಯಾಗಿ ಗಮನಸೆಳೆಯುತ್ತವೆ. ವಿಶೇಷವಾಗಿ ವಿವಾಹ ಮತ್ತು ಸಮಾರಂಭಗಳ ಪ್ರಮುಖ ಖರೀದಿಗಳಿಗಾಗಿ ಆಭರಣಗಳನ್ನು ಕುಟುಂಬ ಸಮೇತ ಕುಳಿತು ಪರಿಶೀಲಿಸಲು ಕಾರಿಗರಿ ರೂಮ್ ಹಾಗೂ ಬ್ರೈಡಲ್ ಲೌಂಜ್ ನಂತಹ ಪ್ರತ್ಯೇಕ ಸ್ಥಳಾವಕಾಶಗಳನ್ನು ಕಲ್ಪಿಸಲಾಗಿದೆ. ಇದರ ಜೊತೆಗೆ, ಸಾಂಪ್ರದಾಯಿಕ ಸಂದರ್ಭಗಳ ಹೊರತಾಗಿಯೂ ಬಳಸಬಹುದಾದ ಹಗುರವಾದ (ಲೈಟ್‌ವೇಟ್) ಮತ್ತು ಸಮಕಾಲೀನ ಆಭರಣಗಳ ವಿಶಾಲ ಸಂಗ್ರಹವೂ ಇಲ್ಲಿದೆ.
ಈ ಸಂದರ್ಭದಲ್ಲಿ ಮಾತನಾಡಿದ ಇಂದ್ರಿಯಾದ ಸಿಇಓ ಸಂದೀಪ್ ಕೊಹ್ಲಿ ಅವರು, “ನಗರ ಬೆಳೆದಂತೆಲ್ಲಾ ಗ್ರಾಹಕರ ಖರೀದಿ ಪ್ರವೃತ್ತಿಯೂ ಪ್ರಾದೇಶಿಕ ಕೇಂದ್ರಿತವಾಗುತ್ತದೆ. ಬೆಂಗಳೂರು ವಿಶಿಷ್ಟವಾದ ಗ್ರಾಹಕ ಮಾರುಕಟ್ಟೆ ವಲಯಗಳನ್ನು ಹೊಂದಿದ್ದು, ಎಲ್ಲಿ ಶಾಪಿಂಗ್ ಮಾಡಬೇಕು, ಯಾವುದು ತಮಗೆ ಸುಲಭವಾಗಿ ತಲುಪುತ್ತದೆ ಹಾಗೂ ಆಭರಣ ಖರೀದಿಯ ಅನುಭವ ಹೇಗಿರಬೇಕು ಎಂಬುದರ ಬಗ್ಗೆ ಜನರಿಗೆ ಸ್ಪಷ್ಟ ಆದ್ಯತೆಗಳಿವೆ. ಆದ್ದರಿಂದ ನಗರದ ವಿಭಿನ್ನ ಭಾಗಗಳಲ್ಲಿ ಶಾಖೆ ವಿಸ್ತರಿಸುವುದು ನಮ್ಮ ಬ್ರ್ಯಾಂಡ್ ಬೆಳವಣಿಗೆಯ ಪ್ರಮುಖ ಭಾಗವಾಗಿದೆ. ಜಯನಗರದಲ್ಲಿ ಮಳಿಗೆ ಆರಂಭಿಸಿರುವುದು ನಮಗೆ ವಿಭಿನ್ನ ಮಾರುಕಟ್ಟೆ ವಾತಾವರಣ ಒದಗಿಸುವುದರ ಜೊತೆಗೆ, ಬೆಂಗಳೂರಿನ ಮತ್ತೊಂದು ಪ್ರಮುಖ ಭಾಗದ ಗ್ರಾಹಕರಿಗೆ ಹತ್ತಿರವಾಗಲು ನೆರವಾಗಿದೆ. ಕೆಲವೇ ನಿರ್ದಿಷ್ಟ ಸ್ಥಳಗಳಿಗೆ ಸೀಮಿತವಾಗದೆ, ನಮ್ಮ ಮಳಿಗೆಗಳ ಜಾಲ ಇಡೀ ನಗರದ ವಿಸ್ತಾರವನ್ನು ಪ್ರತಿಬಿಂಬಿಸಬೇಕು ಎಂಬುದು ನಮ್ಮ ಗುರಿ” ಎಂದು ತಿಳಿಸಿದರು.
ಬೆಂಗಳೂರಿನ ವಿವಿಧ ಆಯಕಟ್ಟಿನ ವಾಣಿಜ್ಯ ಪ್ರದೇಶಗಳಲ್ಲಿ ಹೆಜ್ಜೆಗುರುತು ಮೂಡಿಸುತ್ತಿರುವ ಇಂದ್ರಿಯಾ, ಮಳಿಗೆ ವಿಸ್ತರಣೆಯ ಜೊತೆಗೆ ನಗರದ ಗ್ರಾಹಕರ ಅಭಿರುಚಿಯನ್ನು ಇನ್ನಷ್ಟು ಸೂಕ್ಷ್ಮವಾಗಿ ಅರ್ಥಮಾಡಿಕೊಳ್ಳಲು ಒತ್ತು ನೀಡುತ್ತಿದೆ. ಬೆಂಗಳೂರಿನ ವಿಶಿಷ್ಟ ಸಮುದಾಯಗಳು ಹಾಗೂ ಬದಲಾಗುತ್ತಿರುವ ಜೀವನಶೈಲಿಯ ಗ್ರಾಹಕರಿಗೆ ಬ್ರ್ಯಾಂಡ್ ಅನ್ನು ಇನ್ನಷ್ಟು ಹತ್ತಿರವಾಗಿಸಲು ಜಯನಗರದ ಈ ನೂತನ ಮಳಿಗೆ ಮಹತ್ವದ ಹೆಜ್ಜೆಯಾಗಿದೆ.
