ಕುಂದಾಪುರದ ಹಿರಿಯ ಜವಳಿ ವ್ಯಾಪಾರಿ ಪಿ. ಮಾಳಪ್ಪ ಪೈ ನಿಧನ

ಕುಂದಾಪುರ: ನಗರದ ಹಿರಿಯ ಜವಳಿ ವ್ಯಾಪಾರಿ ಹಾಗೂ ಮಹಾಲಕ್ಷ್ಮೀ ಜವಳಿ ಅಂಗಡಿ ಮಾಲೀಕರಾದ ಪಿ. ಮಾಳಪ್ಪ ಪೈ (92) ಅವರು ಮೇ 9ರಂದು ತಮ್ಮ ಸ್ವಗೃಹದಲ್ಲಿ ನಿಧನ ಹೊಂದಿದರು.

ಸಾಮಾಜಿಕ ಹಾಗೂ ಧಾರ್ಮಿಕ ಕ್ಷೇತ್ರದಲ್ಲಿಯೂ ಗುರುತಿಸಿಕೊಂಡಿದ್ದ ಅವರು, ವೀರ ಬಾಲ ಸಂಘದ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದರು. ಅಲ್ಲದೆ ಹಲವು ವರ್ಷಗಳ ಕಾಲ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದ ಮುಕ್ತೇಸರರಾಗಿ ಕಾರ್ಯನಿರ್ವಹಿಸಿ ದೇವಸ್ಥಾನದ ಅಭಿವೃದ್ಧಿಗೆ ಕೊಡುಗೆ ನೀಡಿದ್ದರು.

ಮೃತರು ಪತ್ನಿ ಹಾಗೂ ಇಬ್ಬರು ಪುತ್ರರನ್ನು ಅಗಲಿದ್ದಾರೆ. ಅವರ ನಿಧನಕ್ಕೆ ಬಂಧು-ಬಳಗ, ವ್ಯಾಪಾರ ವಲಯ ಹಾಗೂ ಸಾರ್ವಜನಿಕರು ಸಂತಾಪ ಸೂಚಿಸಿದ್ದಾರೆ.