ಮಂಗಳೂರು, ಫೆ.20: ಪ್ರಸಕ್ತ ಋತುವಿನ ಎರಡನೇ ವಿಲಾಸಿ ಕ್ರೂಸ್ ಹಡಗು ‘ಎಂ.ಎಸ್. ಐಲ್ಯಾಂಡ್ ಸ್ಕೈ’ ಗುರುವಾರ ನವಮಂಗಳೂರು ಬಂದರಿಗೆ ಆಗಮಿಸಿತು.
ಮೊರ್ಮುಗಾವೆಯಿಂದ ಬಂದ ಈ ಹಡಗಿನಲ್ಲಿ 95 ಮಂದಿ ಪ್ರವಾಸಿಗರು ಹಾಗೂ 70 ಮಂದಿ ಸಿಬ್ಬಂದಿ ಇದ್ದರು. ಆಗಮಿಸಿದ ಅತಿಥಿಗಳಿಗೆ ಎನ್ಎಂಪಿಎ ವತಿಯಿಂದ ಕ್ರೂಸ್ ಟರ್ಮಿನಲ್ನಲ್ಲಿ ಸಾಂಪ್ರದಾಯಿಕವಾಗಿ ಸ್ವಾಗತ ಕೋರಲಾಯಿತು.
ಕ್ರೂಸ್ ಟರ್ಮಿನಲ್ನಲ್ಲಿ ಆಯುಷ್ ಸಚಿವಾಲಯ ಸ್ಥಾಪಿಸಿದ ಧ್ಯಾನ ಕೇಂದ್ರ ಮತ್ತು ಪ್ರವಾಸೋದ್ಯಮ ಸಚಿವಾಲಯದ ಯಕ್ಷಗಾನ ಕಲಾ ಪ್ರಕಾರದ ಸೆಲ್ಫಿ ಸ್ಟ್ಯಾಂಡ್ ವಿಶೇಷ ಆಕರ್ಷಣೆಯಾಗಿತ್ತು.
ನಗರ ಪ್ರವಾಸದ ಭಾಗವಾಗಿ ಪ್ರವಾಸಿಗರು ಕುದ್ರೋಳಿ ಗೋಕರ್ಣನಾಥ ದೇವಸ್ಥಾನ, ಸೈಂಟ್ ಅಲೋಶಿಯಸ್ ಚಾಪೆಲ್, ಸ್ಥಳೀಯ ಮಾರುಕಟ್ಟೆಗಳು ಹಾಗೂ ಕಾಜು ಸಂಸ್ಕರಣಾ ಘಟಕ ಸೇರಿದಂತೆ ಮಂಗಳೂರು ಹಾಗೂ ಸುತ್ತಮುತ್ತಲಿನ ಪ್ರಮುಖ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿದರು.
