ಮಣಿಪಾಲ, 29 ಜನವರಿ 2024: ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯು ತನ್ನ ಪರಿಣಿತ ಆರೋಗ್ಯ ತಜ್ಞರ ಸಮಿತಿಗೆ ಹೊಸ ತಜ್ಞರ ಸೇರ್ಪಡೆಯನ್ನು ಪ್ರಕಟಿಸಿದೆ . ಫೆಬ್ರವರಿ 02, 2024 ರಿಂದ, ಕೆಎಂಸಿ ಆಸ್ಪತ್ರೆ, ಅತ್ತಾವರ, ಮಂಗಳೂರು ಇಲ್ಲಿನ ಖ್ಯಾತ ಸಂಧಿವಾತಶಾಸ್ತ್ರ ತಜ್ಞರಾದ (ರುಮಟಾಲಜಿಸ್ಟ್ ) ಡಾ. ಶಿವರಾಜ್ ಪಡಿಯಾರ್ ಮತ್ತು ಡಾ.ಪ್ರತ್ಯೂಷಾ ಮಣಿಕುಪ್ಪಂ ಮಣಿಪಾಲದ ಕಸ್ತೂರ್ಬಾ ಆಸ್ಪತ್ರೆಯಲ್ಲಿ ಸಮಾಲೋಚನೆಗಾಗಿ ಲಭ್ಯವಿರುತ್ತಾರೆ.
ಅವರು ಪ್ರತಿ ಶುಕ್ರವಾರ ಬೆಳಿಗ್ಗೆ 9:00 ರಿಂದ ಮಧ್ಯಾಹ್ನ 2:00 ರವರೆಗೆ ಸಮಾಲೋಚನೆಗೆ ಲಭ್ಯವಿರುತ್ತಾರೆ. ವಿಶೇಷವಾಗಿ ಈ ಕೆಳಗಿನ ಯಾವುದೇ ರೋಗಲಕ್ಷಣ ಹೊಂದಿರುವವರು : ಗರ್ಭಾವಸ್ಥೆಯಲ್ಲಿ ಆಟೋಇಮ್ಯೂನ್ ಕಾಯಿಲೆಗಳು, ಆಟೋಇಮ್ಯೂನ್ ಕಾಯಿಲೆಗಳಿಂದಾಗಿ ತೆರಪಿನ ಶ್ವಾಸಕೋಶದ ಕಾಯಿಲೆ, ಸಂಧಿವಾತಗಳು (ರುಮಟಾಯ್ಡ್ ಸಂಧಿವಾತ, ಸೋರಿಯಾಟಿಕ್ ಸಂಧಿವಾತ, ಆಂಕೈಲೋಸಿಂಗ್ ಸ್ಪಾಂಡಿಲೈಟಿಸ್) , ಲೂಪಸ್, ಉರಿಯೂತದ ಮೈಯೋಸಿಟಿಸ್ ಮತ್ತು ಸ್ಕ್ಲೆರೋಡರ್ಮಾ, ಮಾರ್ಫಿಯಾ , ವ್ಯಾಸ್ಕುಲೈಟಿಸ್, ಗೌಟ್ ಮತ್ತು ಸಂಬಂಧಿತ ಸ್ಫಟಿಕ ಸಂಧಿವಾತಗಳು, IgG4 ಸಂಬಂಧಿತ ಕಾಯಿಲೆ, ಸಾರ್ಕೊಯಿಡೋಸಿಸ್, ಕ್ಷೀಣಗೊಳ್ಳುವ ಜೀವಕೋಶದ ಪರಿಸ್ಥಿತಿಗಳು (ಅಸ್ಥಿಸಂಧಿವಾತ, ಫೈಬ್ರೊಮ್ಯಾಲ್ಗಿಯ) ಸೇರಿದಂತೆ ಎಲ್ಲಾ ರೀತಿಯ ಸಂಧಿವಾತದ ತೊಂದರೆಯುಳ್ಳವರು ಇದರ ಪ್ರಯೋಜನ ಪಡೆಯಬಹುದು, ಎಂದು ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲದ ವೈದ್ಯಕೀಯ ಅಧೀಕ್ಷಕ ಡಾ ಅವಿನಾಶ ಶೆಟ್ಟಿ ಹೇಳಿದ್ದಾರೆ.
ಮಾಹೆ ಮಣಿಪಾಲದ ಭೋದನಾ ಆಸ್ಪತ್ರೆಗಳ ಮುಖ್ಯ ನಿರ್ವಹಣಾಧಿಕಾರಿ ಡಾ ಆನಂದ್ ವೇಣುಗೋಪಾಲ್ ಅವರು, “ನಮ್ಮ ಗೌರವಾನ್ವಿತ ಆರೋಗ್ಯ ಪರಿಣಿತರ ತಂಡಕ್ಕೆ ಡಾ. ಶಿವರಾಜ್ ಪಡಿಯಾರ್ ಮತ್ತು ಡಾ. ಪ್ರತ್ಯೂಷಾ ಮಣಿಕುಪ್ಪಂ ಅವರನ್ನು ಸ್ವಾಗತಿಸಲು ನಾವು ಸಂತೋಷಪಡುತ್ತೇವೆ. ಸಂಧಿವಾತ ಶಾಸ್ತ್ರ ತಜ್ಞರ ಸೇರ್ಪಡೆಯಿಂದಾಗಿ ಬೇರೆ ಬೇರೆ ರೀತಿಯ ಸಂಧಿವಾತದಿಂದ ಬಳಲುತ್ತಿರುವ ಉಡುಪಿ ಮತ್ತು ನೆರೆ ಜಿಲ್ಲೆಗಳ ಸಮುದಾಯಕ್ಕೆ ವೈದ್ಯಕೀಯ ಚಿಕಿತ್ಸೆ ನೀಡಲು ಸಾಧ್ಯವಾಗಲಿದೆ ಎಂದು ಹೇಳಿದ್ದಾರೆ.
ಪೂರ್ವ ನಿಗದಿಗಾಗಿ (ಅಪಾಯಿಂಟ್ಮೆಂಟ್) ಮತ್ತು ಹೆಚ್ಚಿನ ಮಾಹಿತಿಗಾಗಿ, ದಯವಿಟ್ಟು ದೂರವಾಣಿ ಸಂಖ್ಯೆ 0820 2571967 ಅನ್ನು ಸಂಪರ್ಕಿಸಬಹುದು.
