ಬೈಂದೂರು : ಜನವರಿ 20:ದ್ರಶ್ಯ ನ್ಯೂಸ್ :ಕಾಡಿನಲ್ಲಿ ಬಹುಸಂಖ್ಯೆಯಲ್ಲಿವಾಸಿಸುತ್ತಿರುವ ಮಂಗಗಳಿಗೆ ಅರಣ್ಯ ಇಲಾಖೆಯ ವತಿಯಿಂದ ಮಂಕಿ ಪಾರ್ಕ್ ನಿರ್ಮಿಸಿ, ಅರಣ್ಯದ ಒಳ ಪ್ರದೇಶದಲ್ಲಿಯೇ ಕಾಡುಪ್ರಾಣಿಗಳಿಗೆ ಬೇಕಾದ ಆಹಾರ ವ್ಯವಸ್ಥೆ ಮಾಡುವ ನಿಟ್ಟಿ ನಲ್ಲಿ ಹಣ್ಣುಹಂಪಲುಗಳ ಗಿಡ ನೆಟ್ಟು ಬೆಳೆಸಬೇಕು, ಡಿಮ್ಡ್ ಫಾರೆಸ್ಟ್ ಜಾಗಗಳನ್ನು ಆದಷ್ಟು ಬೇಗಜಂಟಿಸರ್ವೇ ಮಾಡುವಂತೆ ಶಾಸಕ ಗುರುರಾಜ್ ಗಂಟೆಹೊಳೆ ಅರಣ್ಯಾಧಿಕಾರಿಗಳಿಗೆ ಸೂಚಿಸಿದರು.
ಉಪ್ಪುಂದದ ಕಾರ್ಯಕರ್ತ ಕಚೇರಿಯಲ್ಲಿ ಕೌಶಲಾಭಿ ವೃದ್ಧಿ ಇಲಾಖೆ, ಅರಣ್ಯ ಇಲಾಖೆ, ಸಣ್ಣ ನೀರಾವರಿ ಇಲಾಖೆ, ವಾರಾಹಿ ಅಧಿಕಾರಿಗಳ ಜತೆ ಸಭೆ ನಡೆಸಿ ಬೈಂದೂರು ಕ್ಷೇತ್ರದ ಅಭಿವೃದ್ಧಿ ಮತ್ತು ಜನರ
ಸಮಸ್ಯೆಗಳನ್ನು ಬಗೆಹರಿಸುವ ನಿಟ್ಟಿನಲ್ಲಿ ಸಭೆ ನಡೆಸಿದರು.
ಸಣ್ಣ ನೀರಾವರಿ ಇಲಾಖೆ ಸಂಬಂಧ ಪಟ್ಟಂತೆ ಬೈಂದೂರು ಕ್ಷೇತ್ರದಾದ್ಯಂತ ಇರುವ ಚೆಕ್ ಡ್ಯಾಮ್ ಗಳನ್ನು ದುರಸ್ತಿ ಮಾಡಬೇಕು, ಕೊಲ್ಲೂರಿನಲ್ಲಿ, ಇರುವ ಪಿಯಾನೋ ಆಣೆಕಟ್ಟನ್ನು ಕೃಷಿಬಳಕೆ, ಪ್ರವಾಸೋದ್ಯಮ ಸ್ನೇಹಿಯಾಗಿಸಲು ಸೂಚನೆ ನೀಡಿದರು. ವಾರಾಹಿ ಏತ ನೀರಾವರಿಯೋಜನೆಯ ಪರಿಣಾಮಕಾರಿ ಅನುಷ್ಠಾನ, ಕೌಶಲ ಅಭಿವೃದ್ಧಿ ತರಬೇತಿ ಕೇಂದ್ರ ಸ್ಥಾಪಿಸಲು ಯೋಜನೆ ರೂಪಿಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು.
ಈ ಸಂದರ್ಭದಲ್ಲಿ ವಿವಿಧ ಇಲಾಖೆಯ ಅಧಿಕಾರಿಗಳು ಉಪಸ್ಥಿತರಿದ್ದರು
