ಉಡುಪಿ : ಡಿಸೆಂಬರ್ 18: ದ್ರಶ್ಯ ನ್ಯೂಸ್ :ಸ್ವಿಫ್ಟ್ ಕಾರೊಂದು ಪಲ್ಟಿಯಾದ ಘಟನೆ ರವಿವಾರ ಮುಂಜಾನೆ ವೇಳೆ ಇಂದ್ರಾಳಿ ರೈಲ್ವೇ ಸೇತುವೆಯ ಬಳಿ ನಡೆದಿದೆ.
ಬೆಂಗಳೂರು ನೋಂದಣಿಯ ಕಾರಿನಲ್ಲಿ ಮಹಿಳೆ ಸಹಿತ ಇಬ್ಬರು ಪುರುಷರಿದ್ದು ಎಲ್ಲರೂ ಸಣ್ಣಪುಟ್ಟ ಗಾಯಗಳೊಂದಿಗೆ ಅಪಾಯದಿಂದ ಪಾರಾಗಿದ್ದಾರೆ
ಎಂಜಿಎಂನಿಂದ ನೇರವಾಗಿ ಆಗಮಿಸಿ ಇಂದ್ರಾಳಿ ಶಾಲೆಯ ಎದುರುಭಾಗದಲ್ಲಿ ಕಾರು ರಸ್ತೆ ಅಗೆದಿರುವ ಭಾಗದ ಹೊಂಡಕ್ಕೆ ಉರುಳಿದೆ. ಇಲ್ಲಿ ಅಪಾಯಕಾರಿಯಾಗಿ ಕಬ್ಬಿಣದ ಸರಳುಗಳಿದ್ದು, ಸ್ವಲ್ಲ ಎಚ್ಚರ ತಪ್ಪಿದ್ದರೂ ಮತ್ತಷ್ಟು ಅಪಾಯ ಎದುರಾಗುವ ಸಾಧ್ಯತೆಗಳಿತ್ತು.
ಎಂಜಿಎಂ ರಸ್ತೆಯ ಹತ್ತಿರದಲ್ಲಿರುವ ಡಿವೈಡರ್‌ನಲ್ಲಿ ಹಾಕಿರುವ ಬ್ಯಾರಿಕೇಡ್‌ ಸ್ವಲ್ಪವೂ ರಸ್ತೆಯ ಮುಂದಿನ ಅಪಾಯದ ಸೂಚನೆ ನೀಡದಿರುವ ಕಾರಣ ರಾತ್ರಿ ಹೊತ್ತಿನಲ್ಲಿ ಅತ್ಯಂತ ವೇಗದಲ್ಲಿ ಬರುವ ವಾಹನ ಸವಾರರು ಗೊಂದಲಕ್ಕೆ ಈಡಾಗುತ್ತಿದ್ದಾರೆ. ಈ ರಸ್ತೆ ಕೊನೆಗೊಳ್ಳುವ ಅಂಚಿನಲ್ಲಿ ಯಾವುದೇ ಬ್ಯಾರಿಕೇಡ್‌ ಇಲ್ಲ. ಹಾಗಾಗಿ ಅಲ್ಲಿರುವ ಕಬ್ಬಿಣದ ರಾಡ್‌ನ ಸಣ್ಣದೊಂದು ಗೋಡೆ ಒಡೆದು ಕೆಳಗೆ ಹಾರಿದ ಸ್ಥಿತಿಯಲ್ಲಿ ಕಾರು ಕಂಡುಬಂದಿದೆ.
ಕಳೆದ ಹಲವು ವರ್ಷಗಳಿಂದಲೂ ಈ ಪರಿಸರದಲ್ಲಿ ಟ್ರಾಫಿಕ್‌ ದಟ್ಟಣೆ ಸಹಿತ ಈ ಸಮಸ್ಯೆ ನಿವಾರಿಸಲು ಜನಪ್ರತಿನಿಧಿಗಳ ಸಹಿತ ಸ್ಥಳೀಯಾಡಳಿತ ಇನ್ನೂ ಸೂಕ್ತ ಕ್ರಮ ತೆಗೆದುಕೊಳ್ಳದಿರುವುದಕ್ಕೆ ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.
