ಉಡುಪಿ :ನವರಾತ್ರಿ ಪರ್ವಕಾಲದಲ್ಲಿ ಪರ್ಯಾಯ ಶ್ರೀ ಶೀರೂರುಮಠ ದ ಪರ್ಯಾಯ ಪೀಠಾಧೀಶರಾದ ಶ್ರೀ ಶ್ರೀ ವೇದವರ್ಧನತೀರ್ಥ ಶ್ರೀಪಾದರು ವ್ಯಾಸಪೂಜೆ ನೆರವೇರಿಸಿದರು.ಕೃಷ್ಣ ಮಠದ ಚಂದ್ರಶಾಲೆಯಲ್ಲಿ ಚಿನ್ನದ ಮಂಟಪದ ಸ್ವರ್ಣಪೀಠದಲ್ಲಿ ಶ್ರೀ ವೇದವ್ಯಾಸ ದೇವರನ್ನಿಟ್ಟು ಪೂಜೆ ಆರಂಭಿಸಿದರು.ಮೂರು ದಿನಗಳ ಕಾಲ ನಡೆಯುವ ಈ ಪೂಜೆಯಲ್ಲಿ ಆಚಾರ್ಯ ಮಧ್ವರ ಕೃತಿಗಳು ಹಾಗೂ ತಾಳೆಗರಿಗಳನ್ನಿಟ್ಟು ಪೂಜಿಸಲಾಗುತ್ತದೆ.ನವರಾತ್ರಿ ಯ ಶಾರದಾಪೂಜಾ ನಿಮಿತ್ತ ಮಠೀಯ ಸಂಪ್ರದಾಯದಂತೆ ವ್ಯಾಸಪೂಜೆ ದಿನದ ಮೂರು ಹೊತ್ತು ಮೂರುದಿನ ಪರ್ಯಂತ ಪರ್ಯಾಯ ಶ್ರೀಗಳ ಉಪಸ್ಥಿತಿಯಲ್ಲಿ ವ್ಯಾಸಪೂಜೆ ನೆರವೇರಲಿದೆ
