ಮಣಿಪಾಲ, ಆಗಸ್ಟ್ 28, 2026 : ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (ಮಾಹೆ), ವಿಶ್ವವಿದ್ಯಾಲಯ ಎಂದು ಪರಿಗಣಿತವಾದ ಉತ್ಕೃಷ್ಟ ಸಂಸ್ಥೆ ಯು 4ನೇ ಯುಕೆ-ಭಾರತ ಹೆಲ್ತ್ಟೆಕ್ ಅಕ್ಸೆಲರೇಟರ್ 2026 ಕಾರ್ಯಕ್ರಮದಲ್ಲಿ ವಿಜೇತ ಆರು ಸಂಸ್ಥೆಗಳಿಗೆ ಹೃತ್ಪೂರ್ವಕವಾಗಿ ಅಭಿನಂದಿಸಿದೆ. ಈ ಅಕ್ಸೆಲರೇಟರ್ ಕಾರ್ಯಕ್ರಮವನ್ನು ಕಳೆದ ತಿಂಗಳು ಮಣಿಪಾಲದಲ್ಲಿ ಬ್ರಿಟಿಷ್ ಹೈ ಕಮಿಷನ್, ಹೆಲ್ತ್ಕೇರ್ ಯುಕೆ, ಯುನೈಟೆಡ್ ಕಿಂಗ್ಡಮ್ಮಿನ ವ್ಯವಹಾರ ಹಾಗೂ ವಾಣಿಜ್ಯ ಇಲಾಖೆ ಯುಕೆ ಡಿಪಾರ್ಟ್ಮೆಂಟ್ ಫಾರ್ ಬಿಸಿನೆಸ್ ಅಂಡ್ ಟ್ರೇಡ್ ಹಾಗೂ ಭುವನೇಶ್ವರ ಸಿಟಿ ನಾಲೆಡ್ಜ್ ಇನೋವೇಶನ್ ಕ್ಲಸ್ಟರ್ (ಬಿಸಿಕೆಐಸಿ) ಸಹಯೋಗದಲ್ಲಿ ಮಾಹೆ ಆಯೋಜಿಸಿತ್ತು.
ಇದೇ ಜುಲೈ 22ರಿಂದ 24ರವರೆಗೆ ಮಣಿಪಾಲ ಕ್ಯಾಂಪಸ್ನಲ್ಲಿ ನಡೆದ ‘4ನೇ ಯುಕೆ–ಭಾರತ ಹೆಲ್ತ್ಟೆಕ್ ಆಕ್ಸಿಲರೇಟರ್ 2026’ ಕಾರ್ಯಕ್ರಮವು, ಭಾರತೀಯ ಆರೋಗ್ಯ ತಂತ್ರಜ್ಞಾನ ಕ್ಷೇತ್ರದ ನವೋದ್ಯಮಿಗಳು ಮತ್ತು ಯುಕೆಯ ತಜ್ಞರು ಒಂದೆಡೆ ಸೇರಲು ವೇದಿಕೆಯನ್ನೊದಗಿಸಿದ್ದು, ಔದ್ಯಮಿಕ ಸಹಭಾಗಿತ್ವವನ್ನು ಉತ್ತೇಜಿಸುವುದು, ಮಾರುಕಟ್ಟೆಯ ಲಭ್ಯತೆಯನ್ನು ಬಲಪಡಿಸುವುದು ಹಾಗೂ ನವೀನ ಆರೋಗ್ಯ ಸೇವಾ ಪರಿಹಾರಗಳ ಅಳವಡಿಕೆಯನ್ನು ತ್ವರಿತಗೊಳಿಸುವುದು ಈ ಕಾರ್ಯಕ್ರಮದ ಮುಖ್ಯ ಆಶಯವಾಗಿತ್ತು. ಯುಕೆ–ಭಾರತ ಸಮಗ್ರ ಆರ್ಥಿಕ ಮತ್ತು ವಾಣಿಜ್ಯ ಒಪ್ಪಂದದ (ಸಿಇಟಿಎ) ಅನುಷ್ಠಾನದ ಹಿನ್ನೆಲೆಯಲ್ಲಿ ಈ ಉಪಕ್ರಮವು ಮಹತ್ವ ಪಡೆದುಕೊಂಡಿದ್ದು, ಈ ಒಪ್ಪಂದವು ಉಭಯ ದೇಶಗಳ ನಡುವಿನ ವ್ಯಾಪಾರ, ನವೋದ್ಯಮ ಮತ್ತು ಗಡಿಯಾಚೆಗಿನ ಸಹಯೋಗಕ್ಕೆ ಹೊಸ ಅವಕಾಶಗಳನ್ನು ಸೃಷ್ಟಿಸುವ ನಿರೀಕ್ಷೆಯಿದೆ.
ಈ ಕಾರ್ಯಕ್ರಮದಲ್ಲಿ ಮನ್ನಣೆಗಳಿಸಿದ ಆರು ಸಂಸ್ಥೆಗಳೆಂದರೆ,
Azooka Labs Pvt. Ltd., ಬೆಂಗಳೂರು
Bioscan Research Private Limited ಅಹಮದಾಬಾದ್
Turtle Shell Technologies Pvt. Ltd. (Dozee), ಬೆಂಗಳೂರು
EZERX Health Tech Pvt. Ltd., ಭುವನೇಶ್ವರ
OrthoHeal Pvt. Ltd., ವಡೋದರಾ
TatvaCare, ಅಹಮದಾಬಾದ್
ಮನ್ನಣೆಪಡೆದ ಸಂಸ್ಥೆಗಳನ್ನು ಗುರುವಾರ ಬೆಂಗಳೂರಿನಲ್ಲಿ ನಡೆದ ಯುಕೆ–ಭಾರತ ಹೆಲ್ತ್ಟೆಕ್ ಆಕ್ಸಿಲರೇಟರ್ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ MAHEಯ ಕುಲಪತಿ ಡಾ. ಶರತ್ ಕೆ. ರಾವ್ ಅಭಿನಂದಿಸಿದರು. ಯುಕೆ ಸರ್ಕಾರ ಮತ್ತು ಬ್ರಿಟಿಷ್ ರಾಜತಾಂತ್ರಿಕ ನಿಯೋಗಗಳ ಹಿರಿಯ ಪ್ರತಿನಿಧಿಗಳು ಈ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.
ಡಾ. ಶರತ್ ಕೆ. ರಾವ್ ಅವರು ಮಾತನಾಡಿ, ‘ಇವತ್ತಿನ ದಿನದ ಸಂಕೀರ್ಣ ಆರೋಗ್ಯ ಸವಾಲುಗಳನ್ನು ಎದುರಿಸಲು ನವೋದ್ಯಮಿಗಳು, ಆರೋಗ್ಯ ಕ್ಷೇತ್ರದ ತಜ್ಞರು, ಉದ್ಯಮ ಮತ್ತು ಸರ್ಕಾರವನ್ನು ಒಂದೆಡೆ ಸೇರುವ ಅಗತ್ಯವಿದೆ. ಯುಕೆ–ಭಾರತ ಹೆಲ್ತ್ಟೆಕ್ ಆಕ್ಸಿಲರೇಟರ್ ಕಾರ್ಯಕ್ರಮವು ಈ ಆಶಯವನ್ನು ಎತ್ತಿಹಿಡಿದಿದೆ. ಈ ಉಪಕ್ರಮವನ್ನು ಬೆಂಬಲಿಸುವಲ್ಲಿ, ಹಾಗೂ ಭಾರತೀಯ ಆರೋಗ್ಯ ತಂತ್ರಜ್ಞಾನ ಕ್ಷೇತ್ರದ ನವೋದ್ಯಮಗಳು ಜಾಗತಿಕ ಆರೋಗ್ಯ ಸೇವಾ ವ್ಯವಸ್ಥೆಗಳೊಂದಿಗೆ ಸಂಪರ್ಕ ಸಾಧಿಸುವಲ್ಲಿ ರಚನಾತ್ಮಕ ಹೆಜ್ಜೆಯನ್ನಿರಿಸುತ್ತಿರುವುದಕ್ಕೆ ಈ ಕಾರ್ಯಕ್ರಮ ದೃಷ್ಟಾಂತವಾಗಿದೆ. ಇಂಥ ಕಾರ್ಯಕ್ರಮವನ್ನು ಆಯೋಜಿಸುವಲ್ಲಿ ಮಾಹೆ ಅಭಿಮಾನ ಪಡುತ್ತದೆ.” ಎಂದು ಹೇಳಿದರು.
ಮಾಹೆ ಪ್ರಶಸ್ತಿ ಪುರಸ್ಕೃತರಿಗೆ ಅವರ ಸಾಧನೆಗಾಗಿ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತಿದೆ. ಈ ವಿಶೇಷ ಕಾರ್ಯಯೋಜನೆಯಿಂದ ಹೊರಹೊಮ್ಮಲಿರುವ ಸಹಯೋಗಗಳು, ನವೀನ ಆವಿಷ್ಕಾರಗಳು ಹಾಗೂ ಆರೋಗ್ಯ ಸೇವಾ ಪರಿಹಾರಗಳು ಭಾರತ, ಯುಕೆ ಹಾಗೂ ಜಾಗತಿಕ ಮಟ್ಟದಲ್ಲಿ ಆರೋಗ್ಯ ಫಲಿತಾಂಶಗಳನ್ನು ಸುಧಾರಿಸುವ ಸಾಮರ್ಥ್ಯ ಹೊಂದಿವೆ ಎಂಬ ವಿಶ್ವಾಸ ವ್ಯಕ್ತಪಡಿಸುತ್ತದೆ.
