ಮಂಗಳೂರು, ಮಾ. 3: ಇಸ್ರೇಲ್–ಇರಾನ್ ನಡುವಿನ ಯುದ್ಧ ಪರಿಸ್ಥಿತಿಯ ಹಿನ್ನೆಲೆವಾಗಿ ಮಂಗಳೂರು ಹಾಗೂ ವಿವಿಧ ಗಲ್ಫ್ ರಾಷ್ಟ್ರಗಳ ನಡುವಿನ ವಿಮಾನ ಸೇವೆಗಳನ್ನು ಮಾ. 4ರವರೆಗೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ವಿಮಾನ ನಿಲ್ದಾಣದ ವಕ್ತಾರರು ತಿಳಿಸಿದ್ದಾರೆ.
ಈ ಹಿನ್ನೆಲೆಯಲ್ಲಿ ಮಾ. 3ರಂದು ನಿಗದಿಯಾಗಿದ್ದ ಮಂಗಳೂರು–ದೋಹಾ (ಐಎಕ್ಸ್ 821) ಹಾಗೂ ದೋಹಾ–ಮಂಗಳೂರು (ಐಎಕ್ಸ್ 822), ಮಂಗಳೂರು–ದುಬೈ (ಐಎಕ್ಸ್ 813), ಮಂಗಳೂರು–ಕುವೈಟ್ (ಐಎಕ್ಸ್ 851), ಮಂಗಳೂರು–ದಮ್ಮಾಮ್ (ಐಎಕ್ಸ್ 847) ಮತ್ತು ಮಂಗಳೂರು–ಅಬುಧಾಬಿ (ಐಎಕ್ಸ್ 816) ವಿಮಾನಗಳ ಸಂಚಾರ ರದ್ದುಗೊಂಡಿದೆ.
ಅದೇ ರೀತಿ ಮಾ. 4ರಂದು ದುಬೈ–ಮಂಗಳೂರು (ಐಎಕ್ಸ್ 814), ಕುವೈಟ್–ಮಂಗಳೂರು (ಐಎಕ್ಸ್ 852), ದಮ್ಮಾಮ್–ಮಂಗಳೂರು (ಐಎಕ್ಸ್ 848) ಹಾಗೂ ಅಬುಧಾಬಿ–ಮಂಗಳೂರು ವಿಮಾನಗಳ ಸಂಚಾರವೂ ನಡೆಯುವುದಿಲ್ಲ ಎಂದು ಪ್ರಕಟಣೆ ತಿಳಿಸಿದೆ.
ಪ್ರಯಾಣಿಕರು ಸಂಬಂಧಿತ ವಿಮಾನ ಕಂಪನಿಗಳೊಂದಿಗೆ ಸಂಪರ್ಕಿಸಿ ಪರ್ಯಾಯ ವ್ಯವಸ್ಥೆಗಳ ಕುರಿತು ಮಾಹಿತಿ ಪಡೆದುಕೊಳ್ಳುವಂತೆ ಸೂಚಿಸಲಾಗಿದೆ.
