ಉಡುಪಿ: ಏಪ್ರಿಲ್ 21 :ಮಣಿಪಾಲದಲ್ಲಿ ಸ್ಕೂಟಿ ಯಲ್ಲಿ ಎ. 17ರಂದು ರಾತ್ರಿ ನಾಲ್ಕು ಮಂದಿಯನ್ನು ಸಹಸವಾರರನ್ನಾಗಿ ಕುಳ್ಳಿರಿಸಿಕೊಂಡು ಸವಾರಿ ಮಾಡುತ್ತಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿತ್ತು
ಇದೀಗ ಸ್ಕೂಟರ್‌ ಸವಾರರು ಹಾಗೂ ಸ್ಕೂಟರನ್ನು ಪತ್ತೆಹಚ್ಚಲಾಗಿದ್ದು,ಮಣಿಪಾಲ ಪೊಲೀಸರು ಸ್ಕೂಟರ್‌ ಅನ್ನು ರವಿವಾರ ವಶಕ್ಕೆ ತೆಗೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.ಐವರು ವಿದ್ಯಾರ್ಥಿಗಳಾಗಿದ್ದು ಸವಾರರಲ್ಲಿ ಮೂವರು ಅಪ್ರಾಪ್ತರು ಎನ್ನಲಾಗಿದೆ.
ಸ್ಕೂಟರ್‌ ಚಾಲನೆ ಮಾಡುತ್ತಿದ್ದ ಸವಾರನಿಗೆ ಮೋಟಾರು ವಾಹನ ಕಾಯ್ದೆಯನ್ನು ಉಲ್ಲಂಘನೆ ಮಾಡಿ ಅಪಾಯಕಾರಿಯಾಗಿ ವಾಹನ ಚಾಲನೆ ಮಾಡಿದ ತಪ್ಪಿಗಾಗಿ 10,500 ರೂ. ದಂಡ ವಿಧಿಸಲಾಗಿದೆ.
