ಮಣಿಪಾಲ, ಮಾರ್ಚ್ 07: ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ವತಿಯಿಂದ ಮಾರ್ಚ್ 8, 2025 ರಂದು ಸಂಜೆ 5:00 ಗಂಟೆಗೆ ಮಣಿಪಾಲದ ಕೆಎಂಸಿ ಗ್ರೀನ್ಸ್ನಲ್ಲಿ ಅಂತಾರಾಷ್ಟ್ರೀಯ ಮಹಿಳಾ ದಿನ ಆಚರಣೆ ನಡೆಲಿದೆ. ಈ ಕಾರ್ಯಕ್ರಮ ಮಹಿಳೆಯರು ಅವರ ಕಷ್ಟಗಳನ್ನು ಗಡಿ ಮೀರಿ ಅಂಗೀಕರಿಸುವಂತೆ “ಎಕ್ಸಲರೇಟ್ ಆಕ್ಷನ್” ಎಂಬ ವಿಷಯವನ್ನು ಹೊಂದಿರಲಿದೆ. ಈ ಕಾರ್ಯಕ್ರಮವು ಅಂತರ್ಗತ ಮತ್ತು ನ್ಯಾಯಯುತ ಸಮಾಜವನ್ನು ಸ್ಥಾಪಿಸುವ ಮೂಲಕ ಸ್ಫೂರ್ತಿ ನೀಡುವುದನ್ನು ಹೇಳುತ್ತದೆ.
ಮುಖ್ಯ ಅತಿಥಿಗಳಾಗಿ ಜಿಇ ಹೆಲ್ತ್ ಕೇರ್ ಇದರ ಭಾರತ ಮತ್ತು ರಷ್ಯಾ ನಿರ್ದೇಶಕರು ಮತ್ತು ಮುಖ್ಯಸ್ಥರಾದ ಹಾಗೂ ವ್ಯವಹಾರಗಳು ಮತ್ತು ನೀತಿಗಳು ವಿಭಾಗದ ಶ್ರೀಮತಿ ಶೋಭಾ ಮಿಶ್ರಾ ಘೋಷ್ ಅವರು ಭಾಗಿಯಾಗಲಿದ್ದಾರೆ. ಮಾಹೆ ಟ್ರಸ್ಟ್ ನ ಟ್ರಸ್ಟಿಗಳಾದ ಶ್ರೀಮತಿ ವಸಂತಿ ಆರ್ ಪೈ ಅವರು ಅಧ್ಯಕ್ಷತೆ ವಹಿಸುವರು. ಇವರೊಂದಿಗೆ ಖ್ಯಾತ ಸಮಾಜ ಸೇವಕರಾದ ಶ್ರೀಮತಿ ಇಂದಿರಾ .ಎಸ್.ಬಲ್ಲಾಳ್, ಖ್ಯಾತ ಶಿಕ್ಷಣ ತಜ್ಞರಾದ ಶ್ರೀಮತಿ ಕುಸುಮಾ ವೆಂಕಟೇಶ್ ಅವರೂ ಗೌರವ ಅತಿಥಿಗಳಾಗಿ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
ಎಲ್ಲಾ ಹಂತಗಳ ಮಹಿಳೆಯರ ಗಮನಾರ್ಹ ಸಾಧನೆಗಳನ್ನು ಎತ್ತಿ ತೋರಿಸುವ ಮತ್ತು ಮಹಿಳೆಯರನ್ನು ಉನ್ನತೀಕರಿಸಲು ಮತ್ತು ಸಬಲೀಕರಣಗೊಳಿಸಲು ಜನರ ಮನಸ್ಸಿನಲ್ಲಿ ಪ್ರಭಾವ ಬೀರುವಂತೆ ಈ ಕಾರ್ಯಕ್ರಮ ಭಾವಪೂರ್ಣ ಸಂಗೀತ ಕಛೇರಿ “ಉಸ್ತಾದ್ ಜಾಕೀರ್ ಹುಸೇನ್ ಅವರಿಗೆ ನಮನ” ವನ್ನೂ ಒಳಗೊಂಡಿರಲಿದೆ. ನವದೆಹಲಿಯ ಪಂ. ರಾಮಕುಮಾರ್ ಮಿಶ್ರಾ ಮತ್ತು ಪಂ. ರಾಹುಲ್ ಕುಮಾರ್ ಮಿಶ್ರಾ ಅವರು ತಬಲಾ ವಾದನ ನಡೆಸಿಕೊಡಲಿದ್ದಾರೆ.
